კანცელარიასთან მიმდინარე აქციის მონაწილე ლიბერალის ჟურნალისტს დაემუქრა. "სადაც დაგინახავ, იქ მოგამტვრევ მაგ ხელებს", — უთხრა მან ჟურნალისტს, რომელიც აქციას აშუქებდა.

ლიბერალის რედაქტორი ლიკა ზაკაშვილი აცხადებს, რომ აქციის მონაწილე ტელეფონის დალეწვით ემუქრებოდა და ეუბნებოდა "არ გვაგინებინოთ თავი". როგორც On.ge-ს ჟურნალისტი ადგილიდან იუწყება, აღნიშნული პირი პოლიციამ ტერიტორიიდან გაიყვანა, რასაც კონტრაქციის მონაწილეების გაღიზიანება მოყვა.

ამ ეტაპზე ჰომოფობიური კონტრაქციის 5 მონაწილეა დაკავებული. 4 მათგანი შინაგან საქმეთა სამინისტროს განცხადებით, პოლიციის დაუმორჩილებლობის ბრალდებით დააკავეს. როგორც On.ge-ს ჟურნალისტი ადგილიდან იუწყება, რამდენიმე წუთის წინ დააკავეს მეხუთე პირიც.

ამავე აქციაზე ნეტგაზეთის ჟურნალისტს ტელეფონი წაართვეს და ძირს დაუგდეს.

გაიგეთ მეტი: