ქართული ოცნების ვაკის მაჟორიტარი ბიძინა გეგიძე გაზეთ რეზონანსთან ინტერვიუში აცხადებს, რომ საკუთარ გამარჯვებაში დარწმუნებულია და კონკურენტებს აფასებს:

"ყველა კონკურენტს ვუსურვებ წარმატებებს. ელენე ხოშტარიაზე მწყდება გული, რომ ნაციონალურ მოძრაობაშია".

მისი თქმით, ნაციონალური მოძრაობა არჩევნებში უკვე დამარცხებულია, თავად კი ვაკის მოსახლეობას სიმწვანეს და სისუფთავეს ჰპირდება.

გეგიძე გამარჯვების შემთხვევაში გარევაჭრობის ევროპული სტანდარტის დანერგვას აპირებს. თავად ამბობს, რომ ეს როგორც გარემოვაჭრეებისთვის, ასევე მყიდველებისა და მოსახლეობისთვის იქნება კარგი და ახალი ნაბიჯი.