საქსტატის ინფორმაციით, წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2019 წლის I კვარტალში 281,1 მლნ. აშშ დოლარი შეადგინა, რაც 2018 წლის I კვარტალის წინასწარ მონაცემებზე 6,3 პროცენტით ნაკლებია.

უწყებაში ამბობენ, რომ შემცირების გამომწვევ ძირითად მიზეზებს შორისაა მაგისტრალური გაზსადენის მშენებლობის პროექტის დასრულება და რამდენიმე საწარმოს გადასვლა საქართველოს რეზიდენტის საკუთრებაში. ქვემოთ მოცემული დიაგრამა ასახავს საქართველოში განხორციელებული პირდაპირი უცხოური ინვესტიციების დინამიკას 2017-2019 წლებში.

ფოტო: საქსტატი

საქსტატის განცხადებით, ინვესტიციებისთვის ტოპ 5 სექტორი იყო: კომუნალური, პერსონალური და სოციალური მომსახურება; საფინანსო; ტრანსპორტი; სასტუმროები და რესტორნები და დამამუშავებელი მრეწველობა.