მოტოციკლისა(A1) და ავტომობილის(B) მართვის მოწმობის აღებას 18 წლამდე პირები ვეღარ შეძლებენ. შესაბამისი კანონპროექტი პარლამენტში დარეგისტრირდა.

არსებული კანონით, A1 ქვეკატეგორიის და B კატეგორიის სატრანსპორტო საშუალებების მართვის უფლებისთვის დადგენილი მინიმალური ასაკი 17 წელია.

კანონპროექტის ავტორების ცნობით, იმ ქვეყნებში, სადაც აღნიშნული კატეგორიებისთვის მინიმალური ასაკი არის 17 წელი, საგზაო უსაფრთხოების ნორმები გაცილებით მაღალ დონეზეა, ვიდრე ამ ეტაპზე საქართველოში.

"მიუხედავად საქართველოში დღეისათვის მოქმედი ქულათა სისტემის, უკონტაქტო პატრულირებისა და ტექნიკური ინსპექტირების რეგულაციებისა, საგზაო უსაფრთხოება კლავ მნიშვნელოვან გამოწვევად რჩება. შესაბამისად, აღნიშნული ცვლილებაც ემსახურება საგზაო უსაფრთხოების დონის გაუმჯობესებას", — ვკითხულობთ კანონპროექტის განმარტებით ბარათში.

გაიგე მეტი: