2018 წლის 1 სექტემბრიდან 2019 წლის 31 მარტის ჩათვლით, საქართველოში ექსპლუატაციაში 8 ჰესი შევიდა. ამის შესახებ საქართველოს მთავრობის 2018-2020 წლის სამოქმედო გეგმის შესრულების ანგარიშშია ნათქვამი. ესენია:

  1. სკურდიდიჰესი (დადგმული სიმძლავრე 1,33 მგვტ);
  2. ბოდორნაჰესი (დადგმული სიმძლავრე 4,5 მგვტ);
  3. ჯონოულიჰესი 1 (დადგმული სიმძლავრე 1,1 მგვტ);
  4. კირნათიჰესი (დადგმული სიმძლავრე 27,47 მგვტ);
  5. მესტიაჭალაჰესი (დადგმული სიმძლავრე 30 მგვტ);
  6. არაგვიჰესი 2 (დადგმული სიმძლავრე 1,95 მგვტ);
  7. ოროჰესი (დადგმული სიმძლავრე 1,12 მგვტ);
  8. კასლეთიჰესი (დადგმული სიმძლავრე 8,1 მგვტ).

მთავრობის განცხადებით, მიმდინარეობს მუშაობა გარდაბნის მუნიციპალიტეტში 230 მგვტ სიმძლავრის ჰერსზე, გარდაბნის თბოელექტროსადგურ 2-ზე. მათი თქმით, პროექტის დასრულება იგეგმება 2019/2020 წლის ზამთრის სეზონისთვის.

ჰესების მშენებლობის საკითხი სხვადასხვა რეგიონებში არაერთხელ გახდა პროტესტი მიზეზი. მათ შორის სვანეთში, აჭარაში და პანკისში. სვანეთში მაცხოვრებლებმა გამართეს საპროტესტო აქციები რეგიონში და თბილისში. ისინი სამშენებლო კომპანიას ადგილზე შესვლის უფლებას არ აძლევდნენ.

პანკისში ჰესის მშენებლობაზე ნებართვის გაცემას ადგილობრივებისა და სპეცრაზმის დაპირისპრება მოყვა. მთავრობასთან მოლაპარაკების შედეგად გადაწყდა, რომ ჰესი იქამდე არ აშენდება, სანამ მოსახლეობის 90% არ გამოთქვამს სურვილს.

გაიგეთ მეტი: