საქართველოს მთავრობა ნენსკრა ჰიდროს 55 წლის ვადით მშენებლობის უფლებით მესტიის მუნიციპალიტეტ სოფელ ნაკრაში ტერიტორიებს გადასცემს. შესაბამისი განკარგულება საქართველოს მთავრობის გვერდზე გამოქვეყნდა.

ამავე განკარგულების მიხედვით, ნენსკრა ჰიდროს გადაეცემა საკუთრებაში ნაკვეთები, რომელიც სოფელ ხაიშის მიმდებარედ და სოფელ ჭუბერში მდებარეობს. რაც შეეხება აღნაგობის უფლებით გადაცემულ ნაკვეთებს, მის ღირებულებად ერთი დოლარი განისაზღვრა.

ამავე დოკუმენტში ნათქვამია, რომ ნენსკრა ჰიდრო ვალდებულია, 2015 წლის აგვისტოში გაფორმებული ხელშეკრულების შესაბამისად, მდინარე ნენსკრაზე ჰესი ააშენოს და ექსპლუატაში გაუშვას.