გასაუბრებაზე წასვლამდე გახსოვდეთ, რომ კონკურენტებით სავსე შრომით ბაზარზე საჭიროა თავი სხვა კანდიდატებზე უკეთ წარმოაჩინოთ. ამისთვის კი, მხოლოდ მდიდარი სამუშაო გამოცდილება, ცოდნა და CV არ არის საკმარისი.

ჩვენ გთავაზობთ 2 ათასამდე დამსაქმებლის გამოკითხვის შედეგებს, რომელშიც ისინი გვიმხელენ, რას აქცევენ ყურადღებას გასაუბრების მიმდინარეობისას.

არავერბალური შეცდომები

1. გამოკითხულ დამსაქმებელთა 21% ამბობს, რომ გასაუბრების დროს, თქვენი თმით თამაში, ხელზე დახვევა და მსგავსი ქცევები, ნეგატიურ შთაბეჭდილებას ახდენს.

2. 67%-ის აზრით, თვალებში შეხედვის თავიდან არიდება ნეგატიურ ეფექტს ახდენს სამსახურის მიღების შანსებზე.

3. 38%-ის თქმით, ღიმილი აუცილებელია.

4. 33% ყურადღებას აქცევს, ზიხართ თუ არა გამართულად.

5. 21%-ს არ მოსწონს, როცა კანდიდატი ხელებ-გადაჯვარედინებული ზის.

6. 33%-ის თქმით, თუ გასაუბრებაზე მოუსვენრად იქცევით, თქვენი შანსები მინიმუმამდე მცირდება.

ჩაცმულობა

დამსაქმებლები ამბობენ, რომ ღია და კაშკაშა ფერები ნეგატიურ ეფექტს ახდენს.

1. გამოკითხულთა 70% ამბობს, რომ კანდიდატი, რომელიც მოდურად და ტენდენციურად არ იცვამს, ნაკლებად გამაღიზიანებელია.

2. 65%-ის თქმით, ორ თანაბარ კანდიდატს შორის არჩევანის გაკეთებისას, შესაძლოა, ჩაცმულობა ყოფილიყო გადამწყვეტი ფაქტორი.

10 შეცდომა, რომელსაც კანდიდატები ყველაზე ხშირად უშვებენ გასაუბრების დროს

1. წინა სამსახურის დაკარგვის ან იქიდან წამოსვლის მიზეზებზე ზედმეტად ბევრი ლაპარაკი.

2. იმის აღნიშვნა, რომ ჯერ კიდევ ვერ მოგინელებიათ ან ვერ შელევიხართ წინა სამსახურს.

3. იუმორის, ინდივიდუალიზმისა და ადამიანური სითბოს არქონა.

4. ენთუზიაზმისა და ინტერესის არ გამოხატვა.

5. პოტენციურ დამსაქმებელზე წინასწარ არასაკმარისი ინფორმაციის მოძიება.

6. თქვენს მოთხოვნებზე გადამეტებული საუბარი.

7. "ყველაფრის მცოდნეობისა" და "ყველაფრის სპეციალისტობის" დემონსტრირების მცდელობა.

8. თემატური მოუმზადებლობა.

9. სხვა კანდიდატებისგან თავის არ გამორჩევა.

10. თავდაჯერებულობის ნაკლებობა. გახსოვდეთ, გასაუბრებაზე თქვენ უნდა გაყიდოთ თქვენი თავი და დაარწმუნოთ პოტენციური დამსაქმებელი, რომ კონკრეტული სამუშაოსთვის თქვენ საუკეთესო კადრი ხართ.

გისურვებთ წარმატებას შემდეგ გასაუბრებაზე!