რუსთავში კაფე-ბარ შარკის დაცვის წევრები და დაწესებულების სტუმრები დაუპირისპირდნენ. ამის შესახებ ინფორმაცია ტელეკომპანია რუსთავი 2-მა გაავრცელა.

რუსთავი 2-ის ცნობით, კამათს და სიტყვიერ შეურაცხყოფას ფიზიკური შეხლა-შემოხლაც მოჰყვა. ნაცემია ორი ახალგაზრდა მამაკაცი. გარდა ამისა დაზიანებები მიიღო ინციდენტში მონაწილე გოგონამ და დაცვის თანამშრომელმა. დაპირისპირება ბარში ახალგაზრდების სიგარეტით შესვლას მოჰყვა.

On.ge-ს შინაგან საქმეთა სამინისტროში დაუდასტურეს, რომ ინციდენტს თან ახლდა სასიგნალო სროლაც დაცვის წევრის მხრიდან. გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს.