გერმანიაში მშობლები, რომლებმაც ბავშვების წითელაზე აცრაზე უარს იტყვიან, შესაძლოა, 2 500 ევროს ოდენობის თანხით დაჯარიმდნენ. The Guardians-ის ცნობით, შესაბამისი საკანონმდებლო ცვლილება ჯანდაცვის მინისტრმა, იენს შპანმა წარმოადგინა.

იმ შემთხვევაში, თუკი პარლამენტი წლის ბოლომდე დაამტკიცებს ცვლილებას, კანონპროექტი 2022 წლის პირველი მარტიდან შევა ძალაში. კანონპროექტით, ვაქცინაცია წითელას წინააღმდეგ სავალდებულო გახდება, როგორც ყველა ბავშვისთვის, რომლებიც საბავშვო ბაღებსა და სკოლებში დადიან, ასევე, მასწავლებლებისთვისა და სამედიცინო პერსონალისთვის.

პროექტში გათვალისწინებულია ისიც, რომ 2020 წლისთვის მშობლები, რომალებიც ბავშვს საბავშვო ბაღებსა და სკოლებში დაარეგისტრირებენ, მოუწევთ წარადგინონ დამადასტურებელი დოკუმენტი იმისა, რომ მათი ბავშვი აცრილია წითელაზე.

ჯანდაცვის მინისტრის განცხადებით, კანონი იმოქმედებს 361 ათას აუცრელ ბავშვსა და 220 ათას აუცრელ ზრდასრულზე.

გერმანიის დაავადებათა კონტროლის სააგენტოს მონაცემებით, 2019 წლის პირველ ორ თვეში წითელას 170 ახალი შემთხვევა დაფიქსირდა.