ევროპის საბჭოში გაწევრიანების 20 წლის იუბილესადმი მიძღვნილი საზეიმო სხდომაზე, რომელიც პარლამენტში იმართება, საქართველოს პრეზიდენტი სალომე ზურაბიშვილი მივიდა.

პარლამენტის რეგლამენტის მიხედვით, პრეზიდენტის პარლამენტში მისვლისას დეპუტატები პატივისცემის ნიშნად ფეხზე დგებიან. ამ შემთხვევაში ასე არ მოხდა. ოპოზიციური პარტიის დეპუტატები ზურაბიშვილის პლენარულ სხდომათა დარბაზში შესვლისას ფეხზე არ ადგნენ.

მოგვიანებით, ეს ქმედება ევროპული საქართველოს დეპუტატმა სერგი კაპანაძემ ჟურნალისტენთან განმარტა.

"სალომე ზურაბიშვილი პრეზიდენტის რეზიდენციაში არ შესულა თავისუფალი, დემოკრატიული არჩევნების შედეგად. იყო მოსყიდვები, ზეწოლები და ეს იყო უკან დახევა დემოკრატიის. ის რაც მოხდა ეს იყო ამის გამოხატვა", — განმარტა დეპუტატმა სერგო რატიანმა.