Kyiv Post-ის ვაშინგტონის კორესპონდენტი, ალექს რაუფოღლუ სოციალურ ქსელში ამერიკელი კონგრესმენის ჯო უილსონის სიტყვას აქვეყნებს, რომელიც მან საქართველოსთან დაკავშირებით ჰელსინკის კომისიაზე თქვა.

ჯო უილსონმა აღნიშნა, რომ ქართულმა ოცნებამ, საქართველოს ინფრასტრუქტურა ჩინეთის კომუნისტურ პარტიას გადასცა და თავისი ქვეყანა ვალებით მონობაში გაყიდა. მისივე თქმით, ამერიკის წვდომა შუა დერეფანზე, ფაქტობრივად, ჩინეთის კომუნისტური პარტიის მიერ კონტროლდება.

"ბიძინა ივანიშვილმა და მისმა ქართული ოცნების დიქტატურამ თითქმის ყველა ოპოზიციონერი ლიდერი ციხეში ჩასვა, რათა ებრძოლონ ქართველ ხალხს, რომელსაც თავისუფლება და კეთილდღეობა სურს და არა ჩინური "ვალის ხაფანგის" დიპლომატია ან რუსული ოლიგარქია.

რუსეთი დიდი ხანია განიხილება, როგორც ოპერაციების ბაზა და სიმდიდრის წყარო. მას შემდეგ, რაც ქართულმა ოცნებამ 2024 წლის გაყალბებული არჩევნების გზით ხელში ჩაიგდო ძალაუფლება, სწორედ ჩინეთი უზრუნველყოფს სათვალთვალო ტექნოლოგიების დიდ ნაწილს, პროპაგანდისტულ არხებსა და ფინანსურ მხარდაჭერას, რაც საჭიროა მისი მმართველობის წინ წასაწევად და პროამერიკელი ქართველი ხალხის ნების წინააღმდეგ წასასვლელად.

პრეზიდენტმა დონალდ ტრამპმა ცენტრალურ აზიასა და შუა დერეფანს პრიორიტეტი მართებულად მიანიჭა, რათა ჩვენი მომარაგების ჯაჭვი დაეცვა და დივერსიფიცირებული გაეხადა. ქართულმა ოცნებამ, არსებითად, საქართველოს ინფრასტრუქტურა ჩინეთის კომუნისტურ პარტიას გადასცა და თავისი ქვეყანა ვალებით მონობაში გაყიდა. ამერიკის წვდომა შუა დერეფანზე, ფაქტობრივად, ჩინეთის კომუნისტური პარტიის მიერ კონტროლდება", — განაცხადა ჯო უილსონმა.