სტუდენტურ კონფერენციაზე, რომელიც თბილისში, ქორთიარდ მარიოტში იმართება, იმყოფება ყოფილი პრემიერმინისტრი ბიძინა ივანიშვილი, რომელმაც ქვეყნისთვის ახალგაზრდების განათლების მნიშვნელობაზე ისაუბრა:

"ჩვენ უნდა ვისწავლოთ ჩვენი ქვეყნის მართვა. ორი წელია ეს პროექტი მიდის და გაგრძელდება, რამეთუ ძალიან ეფექტური გამოდგა. ქვეყნის ეფექტურ მართვას სჭირდება ძალიან კარგი გამოცდილება, კარგი ცოდნა. ჩვენ უახლეს ისტორიაში ძალიან ცოტა დროა ვმართავთ ჩვენს ქვეყანას და აუცილებლად ვსაჭიროებთ, რომ სწორედ სკოლის მერხიდან დავიწყოთ კადრების აღზრდა იმისათვის, რომ ჩვენი ქვეყანა სწორად განვითარდეს".

პროექტი "სტუდენტები თვითმმართველობისთვის", ორგანიზაცია მოქალაქის ინიციატივითა და შეფასებისა და გამოცდების ეროვნული ცენტრის ორგანიზებით ტარდება. პროექტის მიზანია ახალგაზრდების ჩართვა სამოქალაქო საზოგადოების განვითარების პროცესში, ადგილობრივი დემოკრატიის გაძლიერება და თვითმმართველობის იდეის პოპულარიზაცია.