პაატა ბურჭულაძე - სახელმწიფო ხალხისთვის ახალგაზრდული მოძრაობის ყოფილი თავჯდომარე, გიორგი თაქთაქიშვილი განმარტავს, რომ პოლიტიკური სუბიექტი რეგიონული და თბილისის ორგანიზაციების კიდევ 50-მდე წევრმა დატოვა:

"ახალგაზრდულმა მოძრაობამ ნამდვილად დიდი წვლილი შეიტანა ამ პარტიის აშენებაში რესურსულადაც, სტრუქტურულადაც. ჩვენ ავაშენეთ ეს პარტია და ჩვენზე იდგა ეს პარტია".

მზიურში შეკრებილმა ახალგაზრდებმა კი განმარტეს, რომ ბურჭულაძემ პარტიის შენარჩუნება ვერ შეძლო და ის მხოლოდ ბლოკის სახედ დარჩა.

მოძრაობის კასპის ორგანიზაციის ყოფილი წევრი, შალვა თაბუაშვილი ამბობს, რომ ის ადამიანური რესურსი, რომელსაც აღნიშნული ახალგაზრდები წარმოადგენენ, ბურჭულაძეს ხელიდან არ უნდა გაეშვა:

"ესენი ნამდვილად იყვნენ კარგად დასაფასებელი ადამიანები და ეს ყველაფერი კარგად გამოჩნდება 9 ოქტომბერს, როდესაც დაითვლება ხმები".

აღნიშნული პირების მიერ მოძრაობის დატოვებას პოლიტიკური სუბიექტი 18 საათზე გამოეხმაურება.

19 სექტემბერს ბურჭულაძის ბლოკი ახალგაზრდული ორგანიზაციის კიდევ ერთმა ნაწილმაც დატოვა. აღნიშნულთან დაკავშირებთ, თავად ბურჭულაძემ განაცხადა, რომ ახალგაზრდული ორგანიზაციის ხელმძღვანელს, გიორგი თაქთაქიშვილს რამდენიმე დღის წინ ესაუბრა და მას მოძრაობიდან წასვლის შესახებ არაფერი უთქვამს. თაქთაქიშვილის გადაწყვეტილებას ის ხათუნა ლაგაზიძეს უკავშირებს.