მოძრაობა სახელმწიფო ხალხისთვის ლიდერმა, პაატა ბურჭულაძემ განმარტა, რომ ახალგზარდული ორგანიზაციის ხელმძღვანელს, გიორგი თაქთაქიშვილს რამდენიმე დღის წინ ესაუბრა და მას მოძრაობიდან წასვლის შესახებ არაფერი უთქვამს. თაქთაქიშვილის გადაწყვეტილებას ის ხათუნა ლაგაზიძეს უკავშირებს:

"თაქთაქიშვილს გუშინწინ შევხვდით, მან მითხრა, რომ უნდა ჩვენთან თანამშრომლობა, რომ ყველაფერი კარგად იქნება, მაგრამ დღეს ხომ ხედავთ. ეს არის ქალბატონი ხათუნას შვილობილი, რომელმაც გაზარდა ის და ისე კარგად გაზარდა, რომ დაელოდა დღევანდელ დღეს. მე მივესალმები, მინდა გზა დავულოცო. ხათუნას მოყვანილი იყო და ხათუნას წაყვანილია. ძალიან კარგია, ერთად უნდა იყვნენ, ისინი ერთმანეთს ძალიან შეეფერებიან".

დღეს მოძრაობა სახელმწიფო ხალხისთვის ახალგაზრდული ორგანიზაციის ნაწილმა დატოვა.

9 სექტემბერს პაატა ბურჭულაძის ბლოკის მიერ წარდგენილ საარჩევნო სიაში ვერ მოხვდა გუნდის ერთ-ერთი მთავარი სახე, ხათუნა ლაგაზიძე, რომელმაც On.ge-სთან საუბარში განმარტა, რომ გირჩთან კოალიციაში შესვლისას ბურჭულაძემ თავისი პარტია გაყიდა:

"მე მას ღიად შემიძლია ვუთხრა, რომ მას გუნდი კი არ ჰყავდა მოღალატე, გუნდი კი არ მიატოვა, მან უღალატა გუნდს და გაყიდა საკუთარი გუნდი. ბლოკში გაერთიანება კი არის პირობითი".