საკულტო ამერიკული რომკომის როცა ჰარი შეხვდა სალის გამოსვლიდან ზუსტად 30 წელი გავიდა. ამ შეუდარებელი ფილმის სცენარი ნორა ეფრონს ეკუთვნის, მთავარს როლებს კი რომანტიკული კომედიების დედოფალი მეგ რაიანი და ბილი კრისტალი ასრულებენ.

ფილმის სცენარისთვის ნორა ეფრონი ნომინირებული იყო ოსკარზე, თუმცა მან ჯილდოს აღება ვერ შეძლო. თუმცა, იგივე ნომინაციაში მიიღო ბრიტანული კინოაკადემიის მთავარი ჯილდო - ბაფტა.

მიუხედავად იმისა, რომ ფილმი კინოთეატრებში გამოსვლისას დიდი პოპულარობით არ სარგებლობდა და მისმა შემოსავალმა მხოლოდ $92 მილიონს მიაღწია, ნელ-ნელა რაიანისა და კრისტალის დუეტმა მაყურებლის დიდი სიყვარული დაიმსახურა და ფილმი დღემდე ითვლება ჟანრის კლასიკად.

ფილმის გამოსვლიდან 30 წლის აღსანიშნავად 2019 TCM Classic Film Festival-ზე სპეციალური მიღება მოეწყო, რომელსაც მეგ რაიანი და ბილი კრისტალიც დაესწრნენ.