თბილსის მერმა, კახა კალაძემ დღეს, 10 აპრილის მთავრობის სხდომაზე მეტროს გათიშვების სტატისტიკა გაასაჯაროვა. მისი თქმით, 2019 წელს მეტრო 100 -ჯერ დაზიანდა, მათ შორის მგზავრების ევაკუაციის 26 შემთხვევა იყო.

"2017 წელს დაფიქსირდა [მეტროს] 326 დაზიანება, მათ შორის მგზავრების ევაკუაციის 95 შემთხვევა, 2018 წელს 308 დაზიანება იყო, მგზავრების ევაკუაციის 92 შემთხვევით".

კახა კალაძის თქმით, მეტროს პერიოდული დაზიანების თემის აქტუალურობის მიზეზი "მის მიმართ მეტის მოთხოვნაა". კალაძე ამბობს, რომ მეტროს დაზიანების ყველა შემთხვევა საზოგადოებისთვის ცნობილი ხდება, მაშინ როცა წლების განმავლობაში ხდებოდა ასე და არავინ არ საუბრობდა ამაზე:

"საზოგადოებას მეტი მოთხოვნა აქვს ჩვენს მიმართ, პირადად ჩემს მიმართ უფრო მეტი აქვთ იმედიც, შესაბამისად, ეს არ უნდა გაგიკვირდეთ არავის".