რუსთავი 2-ის ინფორმაციით, გორის რაიონში არასრულწლოვანი ე.წ. საზღვრის გადაკვეთის ბრალდებით გაიტაცეს, თუმცა როგორც ადგილობრივები აცხადებენ, ის საქართველოს კონტროლირებადი ტერიტორიიდან წაიყვანეს.

გატაცებული 17 წლისაა და ის სკოლის მოსწავლეა. მისი დედის თქმით, მისმა შვილმა სასწავლებლიდან სახლში დაბრუნება დააგვიანა:

"როდესაც ტელეფონზე დავურეკე, რუსულად მიპასუხეს და მის ასაკს მეკითხებოდნენ, რომ ვიკითხე სად იყო ჩემი შვილი, დამარცვლით მიპასუხეს რომ წინაგარში იყო. ახლა როგორც ვიცით უკვე ცხინვალში ჰყავთ გადაყვანილი".

გორის გამგებელის თქმით, ინფორმაციას უკვე ფლობს ყველა შესაბამისი უწყება.