პროკურატურამ თიბისი ბანკის გენერალური დირექტორი, ვახტანგ ბუცხრიკიძე გამოკითხა. როგორც On.ge-ს უწყებაში უთხრეს, ბუცხრიკიძე თიბისის საქმეზე სასამართლოში მაგისტრი მოსამართლის წინაშე გამოიკითხა. ბუცხრიკიძეს ბანკის გენერალური დირექტორის თანამდებობა 1993 წლიდან უჭირავს.

თიბისი ბანკში მიმდინარე გამოძიებასთან დაკავშირებით ინფორმაცია 8 იანვარს გავრცელთან. მაშინ ცნობილი გახდა, რომ პროკურატურამ ბანკიდან დოკუმენტები ამოიღო. პროკურატურამ განმარტა, რომ თიბისი ბანკის 2008 წლის აქტივობები შეიცავდა ფულის გათეთრების ნიშნებს და მასში თიბისის დამფუძნებლები და ამავდროულად სამეთვალყურეო საბჭოს თავმჯდომარე, მამუკა ხაზარაძე და მისი მოადგილე ბარი ჯაფარიძე ფიგურირებდნენ.

ამ საქმესთან დაკავშირებით 13 თებერვალს საქართველოს ეროვნულმა ბანკმა მათი ხელმძღვანელი თანამდებობიდან გადაყენება მოითხოვა. თიბისი ბანკში ამბობდნენ, რომ ბანკისა და აქციონირების დასაცავად სამართლებრივ საშუალებებს გამოიყენებდნენ.

21 თებერვალს მამუკა ხაზარაძემ და ბადრი ჯაფარიძემ თანამდებობები დატოვეს. ეროვნული ბანკში განაცხადეს, რომ მათი გადაწყვეტილება დადებითად აისახება ბანკის გამჭირვალობაზე.

გარდა ამისა, თიბისი ბანკმა ეროვნული ბანკის წინააღმდეგ სასამართლო დავა შეწყვიტა და განაცხადა, რომ მილიონიან ჯარიმას გადაიხდის. ამასთანავე, ბადრი ჯაფარიძე და მამუკა ხაზარაძე ეროვნული ბანკის წინააღმდეგ კერძო დავას აგრძელებენ.

გაიგეთ მეტი: თიბისი ბანკის საქმე