ანტისაოკუპაციო მოძრაობის წარმომადგენლის, დავით ქაცარავას ინფორმაციით, გორის მუნიციპალიტეტის სოფელ ხურვალეთში, საქართველოს კონტროლირებად ტერიტორიაზე რუსი სამხედროები შევიდნენ.

ქაცარავა ამბობს, რომ ტერიტორიაზე ქართველი სამართალდამცველები არიან მობილიზებულები. ის მთავრობის წარმომადგენლებს ხურვალეთში ჩასვლისკენ მოუწოდებს.

სახელმწიფო უსაფრთხოების სამსახურში On.ge-ს განუცხადეს, რომ ამ საკითხთან დაკავშირებით ინფორმაციას არკვევენ.