ეთიოპიის ავიახაზების კენიის რეისის 149 მგზავრიდან და ეკიპაჟის 8 წევრიდან ვერავინ გადარჩა. მათ შორის იყვნენ 32 კენიის, 18 კანადის, 8 აშშ-სა და 7 ბრიტანეთის მოქალაქე.

ავიაკატასტროფა დღეს დილით, ადგილობრივი დროით 08:44 საათზე მოხდა. თვითმფრინავი აფრენიდან ექვს წუთში ჩამოვარდა. ჯერჯერობით უცნობია, თუ რამ გამოიწვია უბედური შემთხვევა. ავიახაზების ინფორმაციით, პილოტმა აფრენისას გარკვეულ სირთულეებზე აცნობა მათ და სთხოვა უკან, ადის აბაბაში დაბრუნება.

თვითმხილველმა BBC-ის უთხრა, რომ თვითმფრინავს ძლიერი ცეცხლი ეკიდა ჩამოვარდნისას.

ეთიოპიის ავიახაზების კუთვნილი თვითმფრინავი დღეს, 10 მარტს ჩამოვარდა. ამის შესახებ ეთიოპიის პრემიერ-მინისტრის ადმინისტრაციამ ტვიტერის გვერდზე განცხადება გაავრცელა. ბორტზე 149 მგზავრი და ეკიპაჟის 8 წევრი იყო. ბოინგ 737 კენიის დედაქალაქ ნაირობისკენ ასრულებდა რეგულარულ ფრენას.