ფრაქცია ქართული ოცნება – სოციალ-დემოკრატების თავმჯდომარე, გია ჟორჟოლიანი ამბობს, რომ მათი უმრავლესობაში ყოფნის რესურსი, პრაქტიკულად, ამოწურულია. ამ ფრაქციაში ექვსი დეპუტატი ირიცხება.

"რას არ აკეთებს ოცნება, თუ რაშია განსხვავება, ეს უნდა ვაჩვენოთ ხალხს, ამიტომ, უნდა გამოვეყოთ ოცნებას. დარჩენილია ტექნიკური გაყრა, დანარჩენი გადაწყვეტილია", — აცხადებს ჟორჟოლიანი, რომელიც აქვე აღნიშნავს, რომ სოციალ-დემოკრატები ყველა მნიშვნელოვან საკითხთან დაკავშირებით ევროპული საქართველოსა და ნაციონალური მოძრაობის გარდა, ყველა ჯგუფთან ითანამშრომლებენ.

ქართული ოცნება – სოციალ-დემოკრატების ფრაქციაში არიან: გია ჟორჟოლიანი, რუსლან პოღოსიანი, სულხან მახათაძე, რომან მუჩიაშვილი, კობა ნარჩემაშვილი, მირიან წიკლაური. რაც შეეხება ბექა ნაცვლიშვილს, მან ფრაქცია 2019 წლის 22 თებერვალს დატოვა.