უმაღლესი ხარისხის ევროპული განათლება საქართველოში ნამდვილად ხელმისაწვდომია, ამის მაგალითი საქართველოს უნივერსიტეტია. უნივერსიტეტში სწავლების მაღალ ხარისხსს კი დარგის ლიდერი ლექტორები უზრუნველყოფენ, რომლებიც საკუთარ პრაქტიკულ გამოცდილებას, თეორიულ ცოდნასთან ერთად სტუდენტებს უზიარებენ.

ასევე საქართველოს უნივერსიტეტის სტუდენტები გაცვლითი პროგრამების ფარგლებში ერთი სემესტრით ან ერთი წლით სწავლას ევროპის წამყვან უნივერსიტეტებში აგრძელებენ.

საქართველოს უნივერსიტეტის მიზანია ნებისმიერი ფინანსური შესაძლებლობების მქონე აბიტურიენტს სწავლის შანსი მისცეს, ამიტომ უნივერსიტეტი განსაკუთრებულ ფინანსურ პირობებს გვთავაზობს.

მაგალითად, სწავლის საფასურის ათ ნაწილად გადახდა, რომელიც მოიაზრებს სურვილის შემთხვევაში სრული საფასურის ათ თანაბარ ნაწილად გაყოფას და ეტაპობრივად მის დაფარვას. მაგალითად, თუ სწავლის სრული საფასური 2250 ლარია, სტუდენტის ყოველთვიური გადასახდელი თანხა 250 ლარი იქნება.

უნივერსიტეტი ასევე ცდილობს ნებისმიერი გრანტის მქონე სტუდენტი წაახალისოს და მისცეს უფრო მეტი მოტივაცია გრანტის თანადაფინანსების პროგრამის სახით, რაც ნიშნავს იმას, რომ თუ აბიტურიენტი სახელმწიფო გრანტს მოიპოვებს, საქართველოს უნივერსიტეტში ნებისმიერი ღირებულების პროგრამაზე ჩაბარების შემთხვევაში პროგრამის სრული ყოველწლიური გადასახადი სახელმწიფო ფასს, 2250 ლარს გაუთანაბრდება.

პირობითად, თუ აბიტურიენტმა მოიპოვა 100%-იანი სახელმწიფო გრანტი და მისი არჩევანი ფსიქოლოგიის საბაკალავრო პროგრამაა, რომლის ღირებულება 2500 ლარია, მისი სწავლის საფასური საქართველოს უნივერსიტეტში იქნება 0 ლარი, ხოლო 70%-იანი გრანტის შემთხვევაში ეს 675 ლარი იქნება. იგივე პირობა ვრცელდება 50%-იანი გრანტის შემთხვევაშიც, ნებისმიერი ღირებულების სხვა საბაკალავრო პროგრამაზე.

უფრო მეტიც, ვინც საქართველოს უნივერსიტეტს პირველ პრიორიტეტად აირჩევს, 2500 ან 2500-ზე მეტი ლარის ღირებულების პროგრამაზე ჩაბარების შემთხვევაში ის დამატებით 20%-იან შეღავათს მიიღებს.

ამასთან, საქართველოს უნივერსიტეტი ყოველწლიურად ყველა აბიტურენტს სთავაზობს მონაწილეობას უფასო სწავლის გათამაშებაში, რაზეც რეგისტრაცია უნივერსიტეტის ვებგვერდზეა შესაძლებელი. გათამაშების გამარჯვებული კი ტრაციდიულად 1 ივნისს ვლინდება და მას სწავლის საფასურს საქართველოს უნივერსიტეტი სრულად დაუფინანსებს.

წლიდან წლამდე საქართველოს უნივერსიტეტის მიმართ ინტერესი იზრდება, რაც თავის მხრივ უნივერსიტეტისთვის მეტი პასუხისმგებლობა და დიდი მოტივაციაა.

განათლება გაგამდიდრებს - სწორედ ასე ჟღერს უნივერსიტეტის ახალი გზავნილი, რომლის კურსდამთავრებულთა 93% უკვე დასაქმებულია. ამიტომ თუ სწავლა გინდა, საქართველოს უნივერსიტეტი საუკეთესო არჩევანია.