ფრედი მერკურისა და მერი ოსტინის განსაკუთრებული კავშირი ფოტოებში

"მერი ჩემი ერთადერთი ნამდვილი მეგობარია და სხვა არავინ მჭირდება", - ეს სიტყვები ფრედი მერკურიმ მაშინ თქვა, როდესაც თავისი ცხოვრების სიყვარულზე, მერი ოსტინზე საუბრობდა.

24 წლის ფრედი და 19 წლის მერი პირველად ერთმანეთს 1969 წელს შეხვდნენ. წყვილის სასიყვარულო ურთიერთობა 7 წელი გრძელდებოდა. მათი მეგობრობა კი - გაცილებით დიდხანს. მომღერალი ფილტვების ანთებით გარდაიცვალა, რაც შიდსისგან იყო გამოწვეული.

მერი დასავლეთ ლონდონში, მუშათა კლასის ოჯახში გაიზარდა. მისი მშობლები სმენადაქვეითებულები იყვნენ. იმისათვის, რომ თავი ერჩინა, 15 წლის ასაკში იძულებული გახდა, რომ სწავლა შეეწყვიტა და მუშაობა დაეწყო.

"ფრედი არავის ჰგავდა, ჩემგან განსხვავებით, ის ძალიან თავდაჯერებული იყო. ჩვენ ერთად გავიზარდეთ", - ამბობს მერი ოსტინი ერთ-ერთ ინტერვიუში.

მიუხედავად 7-წლიანი თანაცხოვრებისა, აღსანიშნავია, რომ ფრედი და მერი არასდროს დაქორწინებულან. მომღერალი გამოუტყდა მერის, რომ ის ბისექსუალი იყო. მათ შორის არსებული განსაკუთრებული კავშირი კი ამ ისტორიულ ფოტოებში შეგიძლიათ დაინახოთ: