სააგენტო ინტერპრესნიუსის ინფორმაციით, ენერგეტიკის მინისტრი და ვიცე-პრემიერი კახა კალაძე, თანამდებობას არჩევნებში მონაწილეობის გამო ტოვებს.

8 სექტემბერს ცნობილი გახდა, რომ კახა კალაძე მმართველი გუნდის, ქართული ოცნების პარტიული სიის მე-2 ნომერი იქნება. კანონმდებლობის მიხედვით, პარლამენტის წევრობის კანდიდატად რეგისტრაციის შესახებ განცხადების წარდგენიდან არა უგვიანეს მე-2 დღისა, დაკავებული თანამდებობიდან უნდა გადადგნენ და გათავისუფლდნენ პირები, რომელთა თანამდებობებიც დეპუტატობის კანდიდატობასთან შეუთავსებელია.

პარტია ქართულ ოცნებაში ამასთან დაკავშირებით განცხადებას არ აკეთებენ. ენერგეტიკის სამინისტროში კი, On.ge-ს განუცხადეს, რომ მათ ჯერჯერობით არანაირი ინფორმაცია არ აქვთ. პრესსამსახურის წარმომადგენლის თქმით, მათაც დღეს გაიგეს რომ მინისტრი საარჩევნო სიაშია.