ეროვნულ-დემოკრატიული ინსტიტუტის (NDI) კვლევის მიხედვით, გამოკითხულთა 61 პროცენტი ამბობს, რომ არ იცის, როგორ შეაფასებდა მთავარი პროკურორის, შალვა თადუმაძის საქმიანობას.

კვლევის მიხედვით, შოთაძის საქმიანობას ძალიან კარგად 1 პროცენტი აფასებს, კარგად — 18 პროცენტი, მის საქმიანობას ცუდად აფასებს გამოკითხულთა 15 პროცენტი, ხოლო ძალიან ცუდად — 4 პროცენტი. კითხვაზე არ უპასუხა გამოკითხულთა ერთმა პროცენტმა.

მთავრობის ადმინისტრაციის ყოფილი ხელმძღვანელი, შალვა თადუმაძე საპროკურორო საბჭომ ერთსულოვნად 2018 წლის 11 ივლისს აირჩია, ხოლო პარლამენტმა 16 ივლისს დაამტკიცა. შალვა თადუმაძე გენელური პროკურორის თანამდებობაზე მას შემდეგ წარადგინეს, რაც 2018 წლის 31 მაისს ირაკლი შოთაძე გადადგა. მისი გადადგომა ხორავას ქუჩაზე მოკლული დავით სარალიძის საქმეს უკავშირდებოდა.