"რომელი პოლიტიკური სისტემა არის ყველაზე შესაფერისი საქართველოსთვის"? — NDI-ის კვლევაში გამოკითხულთა 21 პროცენტს საბჭოთა სისტემის მსგავს მოდელს პასუხობს. მათგან 11 პროცენტი ამბობს, რომ შესაფერისია "ის, რომელსაც ბევრი საერთო აქვს საბჭოთა სისტემასთან, მაგრამ უფრო დემოკრატიული და ბაზარზე ორიენტირებული". 10 პროცენტი ფიქრობს, რომ ყოფილი საბჭოთა კავშირის სისტემა ყველაზე შესაფერისია, მათი 18 პროცენტი კი 55 წელს ზემოთ ასაკისაა.

ასევე 10 პროცენტი ამბობს, რომ საქართველოსთვის შესაფერისია "ძლიერი ავტორიტარული სისტემა, რომელიც წესრიგს თავისუფლებაზე მაღლა აყენებს".

გამოკითხულთა უმრავლესობის, 53 პროცენტის აზრით, დასავლური სტილის დემოკრატიული რესპუბლიკაა ყველაზე შესაფერისი საქართველოსთვის.

ეროვნულ დემოკრატიული ინსტიტუტის (NDI) კვლევის საველე სამუშაოები 2018 წლის 6-20 დეკემბერს ჩატარდა. კვლევის ფარგლებში 2 205 დასრულებული ინტერვიუ შედგა. საშუალო ცდომილების ზღვარი +/- 2,1 პროცენტია