ყოველწლიურად ბერლინის კინოფესტივალი საპატიო ჯილდოს, ბერლინალეს კამერას აძლევს იმ ხელოვანებს, რომელთაც კინოინდუსტრიაში განსაკუთრებული წვლილი შეიტანეს.

საპატიო ჯილდოებს სპეციალურად შერჩეული საბჭო გასცემს, რომელთა გადაწყვეტილებითაც, წელს ეს პრიზი ოთხ ადამიანს გადაეცემა, მათ შორის კი ერთ-ერთი ლეგენდარული რეჟისორი ანიეს ვარდაა.

ანიეს ვარდა ფრანგული ახალი ტალღის ერთ-ერთი ყველაზე მნიშვნელოვანი წარმომადგენელია. 65-წლიანი კარიერის განმავლობაში, ვარდა 50-ზე მეტი მხატვრული და დოკუმენტური ფილმი აქვს გადაღებული. 2018 წელს ნომინირებული იყო ოსკარზე, ამავე წელს კი კინოაკადემიამ კინოხელოვნებაში შეტანილი წვლილისთვის საპატიო ჯილდო გადასცა.

რეჟისორის ბოლო დოკუმენტური ფილმის Varda by Agnès პრემიერა სწორედ ბერლინალეზე შედგება.

ანიეს ვარდასთან ერთად, ბერლინალეს კამერას გადასცემენ დამოუკიდებელ კინორეჟისორთა ფონდის დამაარსებელ სანდრა შულბერგს, ბერლინალეს ერთ-ერთი სექციის, პანორამას ხელმძღვანელ ვილან შპეკს და რეჟისორ ჰერმან შჩოხეს.

ბერლინის 69-ე კინოფესტივალი 2019 წლის 7 თებერვალს დაიწყება და 17 თებერვლის ჩათვლით გაგრძელდება.