ანალიტიკური ორგანიზაცია, S&P Global Ratings-ის მონაცემებით, აშშ-ში 22 დეკემბრიდან 26 იანვრამდე მთავრობის დახურვის გამო ქვეყნის ეკონომიკამ სულ ცოტა $6 მილიარდით იზარალა. ეს თანხა $30 მილიონით მეტია შათდაუნის მიზეზზე, ტრამპის მიერ მექსიკის საზღვარზე კედლის ასაშენებლად საჭირო თანხაზე.

იანვრის დასაწყისში თეთრი სახლის ეკონომიკური გუნდში განაცხადეს, რომ შათდაუნის გამო შესაძლოა, მშპ 0,1 პროცენტით შემცირებულიყო. S&P Global Ratings-მა გამოითვალა, ასევე, წინა შათდაუნის დროს მიყენებული ზარალი. მაშინ დანაკარგი $3,6 მილიარდს გაუტოლდა. S&P-ის კვლევაში ნათქვამია, რომ შათდაუნის შეწყვეტა დადებითად აისახება ეკონომიკაზე.

პრეზიდენტ დონალდ ტრამპსა და დემოკრატიულ პარტიას შორის კონფლიქტი მექსიკის საზღვარზე კედლის საკითხის ირგვლივ განვითარდა. ტრამპი 2019 წლის ბიუჯეტში მექსიკის საზღვარზე კედლის ასაშენებლად $5,7 მილიარდის გამოყოფას ითხოვდა, დემოკრატიულმა პარტიამ კი კედლის დაფინანსებაზე უარი განაცხადა. ამის გამო წლიური ბიუჯეტის პროექტი არ დამტკიცდა, შესაბამისად, დაფინანსების არ ქონის გამო, მუშაობა შეწყვიტა აშშ-ს საჯარო სექტორის დიდმა ნაწილმაც.

დაფინანსების არ ქონის გამო შათდაუნი 22 დეკემბრიდან დაიწყო. დონალდ ტრამპის 26 იანვრის გადაწყვეტილებით, შათდაუნი 15 თებერვლამდე შეწყდა. ამ პერიოდში აშშ-ს მთავრობა სრულად აღადგენს მუშაობს. ტრამპმა განაცხადა, რომ აუცილებელი იყო მთავრობის მუშაობის აღდგენა და მიიღო გადაწყვეტილება შათდაუნი დროებითი დაესრულებინა. თუკი წლიური ბიუჯეტის დამტკიცება ამ პერიოდშიც ვერ მოხდება, შათდაუნი კვლავ განახლდება. ტრამპის თქმით, დემოკრატებს მაინც მოუწევთ კედლის ასაშენებლად საჭირო სახსრების გამოყოფა.