თურქეთის შეიარაღებულმა ძალებმა და შეიარაღებულმა სირიულმა ოპოზიციამ სირიის საზღვარი თურქეთთან ე.წ. ისლამური სახელმწიფოსგან გაწმინდეს. როგორც ადგილობრივმა პრემიერმინისტრმა განმარტა, აღნიშნულ ტერიტორიაზე ჯიჰადისტების მიერ კონტროლირებადი არცერთი რაიონი არ დარჩენილა. ინფორმაციას ამის შესახებ Reuters ავრცელებს.

როგორც თურქეთის პრემიერმინისტრმა, ბინარი ილდირიმიმ განაცხადა, თურქეთის სამხედრო ნაწილები აღნიშნულ ტერიტორიაზე არიან იმისთვის, რომ დაიცვან თავიანთი საზღვარი:

"იქ ვართ იმისთვის, რომ უზრუნველვყოთ მოქალაქეების უსაფრთხოება და დავიცვათ მათი ქონება და შევინარჩუნოთ სირიის მთლიანობა".

თურქეთმა ISIS-ს წინააღმდეგ სამხედრო ოპერაცია სირიაში 24 აგვისტოს დაიწყო. ქვეყნის მეთაურმა განაცხადა, რომ მისი ხელისუფლება ჩრდილოეთ სირიაში "ხელოვნური" სახელმწიფოს შექმნას არ დაუშვებდა.

აშშ-ს პრეზიდენტმა, ბარაკ ობამამ თურქეთის პრეზიდენტს, რეჯეპ ტაიპ ერდოღანს კი განუცხადა, რომ თურქეთის სირიასთან საზღვრის უსაფრთხოების უზრუნველყოფა აუცილებელი იყო. ობამამ ასევე განუმარტა ერდოღანს, რომ აშშ თურქეთში მომხდარ სახელმწიფო გადატრიალების მცდელობას გმობს.

15 ივლისს თურქეთში მომხდარი სახელმწიფო გადატრიალების მცდელობის შემდეგ, თურქეთი აშშ-სგან ამერიკაში მცხოვრები სასულიერო პირის, ფეტულა გიულენის გადაცემას მოითხოვდა. ერდოღანი მომხდარის ორგანიზებას სწორედ აღნიშნულ პიროვნებას აბრალებს, თუმცა აშშ ამის დასადასტურებლად კონკრეტულ მტკიცებულებებს ითხოვს.