ე.წ ღორის გრიპის საფრთხის გამო თბილისის სახელმწიფო უნივერსიტეტში ფინალური გამოცდები 10 დღით გადაიდო. ამის შესახებ თბილისის სახელმწიფო უნივერსტიტეტის სტუდენტებს SMS შეტყობინებით აცნობეს.

თსუ-ის განცხადებით, გამოცდები 11 იანვარს შეწყდება და 21 იანვარს განახლდება.

გრიპის ვირუსის გამო სასწავლო პროცესი გადაიდო საჯარო სკოლებსა და თბილისის საბავშვო ბაღებშიც. სკოლებში არდადეგები 18 იანვრამდე გახანგრძლივდა, ბაღებში კი სააღმზრდელო პროცესი 21 იანვრიდან განახლდება.