ბათუმის რესპუბლიკურ საავადმყოფოში, სავარაუდოდ, გრიპის ვირუსით ერთი პირი გარდაიცვალა. დაავადებათა კონტროლის ცენტრში გარდაცვალების ფაქტს ადასტურებენ, თუმცა კითხვაზე, მოხდა თუ არა შემთხვევა ბათუმში და საუბარია თუ არა იგივე ქალბატონზე, პერსონალური ინფორმაციის დაცვის მოტივით არ პასუხობენ.

On.ge-ს აჭარის ჯანდაცვის სამინისტროს წარმომადგენელმა, ია ჩხაიძემ დაუდასტურა, რომ რესპუბლიკურ საავადმყოფოში გარდაცვალების შემთხვევა დაფიქსირდა, თუმცა კვლევის დასრულებამდე ვერ ამბობენ, იყო თუ არა გრიპი გარდაცვალების მიზეზი.

"ჩვენი ეპიდემიოლოგები ადგილზე იმყოფებიან, 3 საათზე გვაქვს ბრიფინგი და სწორედ, ამ დროისთვის ველოდებით ზუსტ ინფორმაცია", — განაცხადა ია ჩხაიძემ.

ამ დრომდე გრიპის ვირუსით გარდაცვალების შემთხვევა არ გამოვლენილა. გრიპის ვირუსით დაავადებულთა რიცხვი გაიზარდა. დაავადებათა კონტროლის ცენტრის ინფორმაციით, გასულ კვირაში 100 000 ადამიანიდან 185 გრიპის ვირუსით იყო ავად. გავრცელებული ვირუსების უმრავლესობა ე.წ. ღორის გრიპია.

დაავადებათა კონტროლის ეროვნული ცენტრის სამეცნიერო საბჭოს თავმჯდომარე პაატა იმნაძე On.ge-სთან აცხადებს, რომ გრიპის ვირუსის შემთხვევების ზრდის მიუხედავად ეპიდემიის საფრთხე არ არსებობს. ეპიდემიის ზღვარი 100 000 მოსახლეზე 450-ია

გაიგე მეტი: