სახელმწიფო პროგრამა აწარმოე საქართველოს ფარგლებში, თბილისში, მატრასების მწარმოებელი საწარმო გაიხსნა.

მთავრობის ინფორმაციით, საწარმო შპს როიალ-ჯორჯიამ შექმნა. პროექტის განსახორციელებლად კომპანიამ პროგრამის სესხის და ინფრასტრუქტურული კომპონენტით ისარგებლა. საწარმოს მშენებლობისთვის გამოიყო 1 663 800 ლარი ინვესტიცია და დასაქმდა 20 ადამიანი. საწარმოს ასაშენებლად ინვესტორებს სახელმწიფოსგან თბილისში, ჭირნახულის ქუჩა N5-ში არსებული უძრავი ქონება გადაეცათ.

პროგრამა აწარმოე საქართველოში საქართველოს მთავრობის ინიციატივით ხორციელდება. პროგრამის კოორდინაციას ახორციელებს საქართველოს ეკონომიკისა და მდგრადი განვითარების სამინისტრო და მასში ჩართულია სამინისტროს სისტემაში შემავალი სსიპ-ები.