აშშ-ს სახელმწიფო მდივანმა მაიკ პომპეომ საქართველოს არჩეული პრეზიდენტს სალომე ზურაბიშვილს არჩევნებში გამარჯვება მიულოცა და საარჩევნო და სასამართლო რეფორმების მნიშვნელობაზე ესაუბრა. ამერიკის შეერთებული შტატების სახელმწიფო დეპარტამენტის ცნობით, სატელეფონო საუბარი გუშინ, 10 დეკემბერს შედგა:

"სახელმწიფო მდივანმა მაიკლ პომპეომ საქართველოს არჩეულ პრეზიდენტს სალომე ზურაბიშვილს დაურეკა და მას 28 ნოემბრის არჩევნებში გამარჯვება მიულოცა. მათ აშშ-საქართველოს თანამშრომლობაზე, გლობალური უსაფრთხოების პრიორიტეტებთან დაკავშირებით ისაუბრეს. ასევე, საუბარი შეეხო აშშ-ს ურყევ მხარდაჭერას საქართველოს სუვერენიტეტის, დამოუკიდებლობისა და ტერიტორიული მთლიანობისადმი და საარჩევნო და სასამართლო რეფორმების მნიშვნელობაზე, საქართველოს დემოკრატიული განვითარებისთვის და დასავლეთთან ინტეგრაციისთვის".