პუბლიცისტ თაკო ჩარკვიანსა და მის მეუღლეს აეროპორტში თავს დაესხნენ და ფიზიკურად გაუსწორდნენ. შემთხვევის ამსახველი ვიდეომასალა საზოგადოებრივმა მაუწყებელმა გაავრცელა.

რუსთავი 2-ის ცნობით, ჩარკვიანი მომხდარს მის პოლიტიკურ შეხედულებებს უკავშირებს. ის ამბობს, რომ პოლიციის თანდასწრებით ხდებოდა ეს დაპირისპირება, თუმცა, მათ არაფერი გაუკეთებიათ. ჩარკვიანის თქმით, სამართალდამცავებმა ამ პირებს ტერიტორიის დატოვების შესაძლებლობა მისცეს.

დამატებითი ინფორმაციის მოსაპოვებლად On.ge ჩარკვიანთან დაკავშირებას ცდილობს, თუმცა ის ჩვენს ზარებს არ პასუხობს.

შინაგან საქმეთა სამინისტროში მომხდარის შესახებ ინფორმაციას ფლობენ და განცხადებას მოგვიანებით გაავრცელებენ.

თაკო ჩარკვიანმა გაერთიანებული ოპოზიციის კანდიდატს, გრიგოლ ვაშაძეს ღიად დაუჭირა მხარი. ის ხშირად ჩნდებოდა ვაშაძის წინასაარჩევნო კამპანიაში და გამოდიოდა სიტყვით ამომრჩევლებთან შეხვედრისას.