უკვე დიდი ხანია, რაც ფეისბუქი გასართობ სოციალურ ქსელზე მეტია, რადგან მას ადამიანების გასაცნობად, მნიშვნელოვან მოვლენებზე პირადი მოსაზრებების გამოსახატად ან სულაც, სამუშაოდ ვიყენებთ.

მეტიც, თამამად შეიძლება ითქვას, რომ ადამიანების დიდ ნაწილს ამ ვირტუალურ სამყაროში "ცხოვრების" საკმაოდ დიდი გამოცდილებაც აქვს და ეს 10 უხერხულობა თითოეულ ჩვენგანს გამოუცდია:

1. დიდი ხნის უნახავი ნათესავები რომ მაინც და მაინც სერიოზული სტატუსის კომენტარებში გკითხულობენ

ფოტო: giphy

ყველაზე პოპულარული კომენტარები: "ნათი დედა როგორ არის?", "ძაან მომენატრე გიო, მამა მომიკითხე", "რამხელა გაზრდილხარ, შენ შემოგევლე მე" და ა.შ რა თქმა უნდა, რუსული ან ლათინური შრიფტით.

2. როცა შენი შეყვარებულის ყოფილის ფოტოებს ათვალიერებ და შემთხვევით შემოგელაიქება

ფოტო: giphy

ასეთ დროს სისხლში რადიაციის დონეს უნდა ვამოწმებდეთ.

3. გაურკვეველ ტესტს რომ აკეთებ და შედეგი (ისე რომ არც კი იცი) შენს კედელზე იდება

ფოტო: giphy

მსგავსი პოსტები, შეგიძლიათ On.ge-ის საინტერესო სტატიებით გადაფაროთ ხოლმე.

4. როცა წერილს შეცდომით იმ ადამიანს უგზავნი, ვის შესახებაც მეგობარს ეჭორავებოდი

ფოტო: giphy

ძალიან მძიმე შემთხვევაა.

5. ახალი Facebook მეგობარი წლების წინ დადებულ საშინელ ფოტოს რომ გილაიქებს და შენს სამარცხვინო წარსულს აცოცხლებს

ფოტო: giphy

ფოტოზე ჩნდება ახალი კომენტარებიც: "ეს შენ ხაარ?", "რა ლამაზი/მახინჯი ყოფილხარ?" და სხვა.

6. მეგობარი ფოტოზე რომ გნიშნავს, სადაც მხოლოდ თვითონ გამოიყურება კარგად

ფოტო: giphy

არ მოგატყუებთ და არ გეტყვით, რომ "ეს აღარასდროს გამეორდება".

7. შემთხვევით პირად პოსტს რომ კომპანიის ფეიჯზე აქვეყნებ

ფოტო: giphy

და იმედი გაქვს, რომ შენმა უფროსმა ნახვა ვერ მოასწრო.

8. როცა მეგობრის კედელზე თამამად იხუმრებ და გაურკვეველი ადამიანები მეგობრობის თხოვნას გიგზავნიან

ფოტო: giphy

მეგობრის კედელზე თუ თამამად ხუმრობ, სხვა რამესაც იზამ შენ.

9. ადამიანს რომ მეგობრებიდან წაშლი და მალევე ქუჩაში გხვდება

ფოტო: giphy

ასეთ დროს ხშირია დაჟინებით ყურება, ცინიკური ღიმილი და ჯადო.

10. როცა შენს სტატუსს ნოლი ლაიქი ან გამოხმაურება აქვს და არ იცი, წაშალო თუ შეეგუო

ფოტო: giphy

ამაზე უარესი კი ისაა, რომ მერე ერთი ლაიქი ჩნდება უცებ და ხვდები, რომ ვიღაცას შეეცოდე.