BBC-ის ცნობით, ევროკავშირის ლიდერებმა დიდი ბრიტანეთის ევროკავშირიდან გასვლისა და სამომავლო ურთიერთობების შეთანხმებას მხარი დაუჭირეს.

20-თვიანი მოლაპარაკებების შემდეგ, 27-მა ლიდერმა საათზე ნაკლებ დროში მიაღწია შეთანხმებას. მათი თქმით, შეთანხმება, რომელიც ჯერ დიდი ბრიტანეთის პარლამენტმა უნდა დაამტკიცოს, ევროკავშირიდან გასვლის პროცედურების მნიშვნელოვანი დასაწყისია.

ტერეზა მეის თქმით, ეს შეთანხმება "დიდი ბრიტანეთის წარმატებულ მომავალს განსაზღვრავს". ბრიუსელში სიტყვით გამოსვლისას, პრემიერ-მინისტრმა მეიმ მიმართა ყველას, ვინც "დარჩენას" და "გასვლას" მისცა ხმა, რომ გაერთიანდნენ ამ შეთანხმების უკან და "ბრექსიტზე კამათზე ნუ დაკარგავენ დროს".

დიდი ბრიტანეთის ევროკავშირიდან საბოლოოდ 2019 წლის 29 მარტს უნდა გამოვიდეს. დოკუმენტის პროექტში საუბარია 21-თვიან გარდამავალ პერიოდზე და ე.წ. გაყრის კანონპროექტის დეტალებზე, რომლის მიხედვითაც ბრიტანეთმა ევროკავშირს 39 მილიარდი ფუნტ სტერლინგი უნდა გადაუხადოს.

დიდი ბრიტანეთი ევროკავშირს 1973 წელს შეუერთდა და პირველი ქვეყანაა, რომელიც მას დატოვებს. 14 ნოემბერს დიდი ბრიტანეთის ხელისუფლებამ ბრექსიტის პროექტს მხარი დაუჭირა. ამ შეთანხმებას მინისტრთა კაბინეტის 11-მა წევრმა არ დაუჭირა მხარი, მათგან ორი კი გადადგა, მათ შორის, ბრექსიტის საკითხების მინისტრი.

ამავე თემაზე: