ამერიკის შეერთებული შტატების საელჩო საქართველოში, საკუთარ სოციალურ ქსელში "მტკიცე სული 2025"-ის წვრთნებთან დაკავშირებით განცხადებას აქვეყნებს. საელჩოს თქმით, აღნიშნული წვრთნები ნათლად ასახავს აშშ-ის ერთგულებას შავი ზღვის რეგიონის სტაბილურობის მიმართ.

"პარტნიორობის გაძლიერება და რეგიონული უსაფრთხოების ხელშეწყობა!ცოტა ხნის წინ, Agile Spirit 2025 წვრთნების ფარგლებში, აშშ-ის არმიის 173-ე საჰაერო-სადესანტო ბრიგადის 91-ე კავალერიის პოლკის პირველი ასეულის სამხედროებმა ქართველ კოლეგებთან ერთად კონვოირების ოპერაცია განახორციელეს.

კონვოირება სენაკის სასწავლო პოლიგონიდან ვაზიანის სასწავლო პოლიგონამდე განხორციელდა. აღნიშნული წვრთნები ნათლად ასახავს აშშ-ის ერთგულებას შავი ზღვის რეგიონის სტაბილურობის მიმართ, აგრეთვე მოკავშირეთა თანამშრომლობის ძალასა და მნიშვნელობას," — წერია განცხადებაში.

ცნობისთვის, Agile Spirit 2025 არის რიგით მეთორმეტე მრავალეროვნული სამხედრო წვრთნა, რომელსაც საქართველო და თურქეთი ერთობლივად მასპინძლობენ. მისი მიზანია ნატოსა და პარტნიორ ქვეყნებს შორის ურთიერთქმედების, საბრძოლო მზადყოფნისა და ერთობლივი ოპერაციების უნარების გაძლიერება. წვრთნებს ერთობლივად ხელმძღვანელობენ საქართველოს დასავლეთის სარდლობა.

საქართველოში "მტკიცე სული 2025-ის" მრავალეროვნული საერთაშორისო წვრთნები იწყება