ნიუ-იორკში, მანჰეტენზე მდებარე ერთ-ერთ ცათამბჯენზე შეიარაღებულმა პირმა ოთხი ადამიანი მოკლა, შემდეგ კი თავი მოიკლა. ინფორმაციას Reuters ავრცელებს. გამოცემის ცნობით, დაშავებულია კიდევ ხუთი ადამიანი.

თავდამსხმელი ლას-ვეგასში მცხოვრები 27 წლის შეინ ტამურაა, რომელსაც ნიუ-იორკის პოლიციის კომისრის ცნობით, ფსიქიკური ჯანმრთელობის პრობლემები ჰქონდა. თავდასხმის შემდეგ შეინ ტამურამ ცეცხლსასროლი იარაღით გულის არეში ჭრილობა მიიყენა.

Reuters-ის ინფორმაციით, მოკლულებს შორის პოლიციის 36 წლის თანამშრომელია. მედია წერს, რომ მოკლული პოლიციელი ორი შვილის მამა იყო და მისი მეუღლე მესამე შვილზეა ორსულად.