თურქული მედიის ცნობით, ქვეყნის პრეზიდენტმა რეჯეფ თაიფ ერდოღანმა განაცხადა, რომ თურქეთში ტყის ხანძრების გაჩენის გამო 38 ადამიანია დაკავებული.

"1-ელი ივნისის შემდეგ, 149 ეჭვმიტანილი დააკავეს. 38 ადამიანი კვლავ პატიმრობაში რჩება," — მედიის ცნობით, განაცხადა ერდორანმა.

მისივე განცხადებით, ზაფხულში ტყის ხანძრების უმეტესი შემთხვევა ადამიანების დაუდევრობამ გამოიწვია.

ერდოღანმა მწუხარება გამოთქვა ხუთი სატყეო მეურნეობის მუშაკისა და ხუთი AKUT-ის მოხალისის გარდაცვალებასთან დაკავშირებით, რომლებიც ესკიშეჰირში ხანძრის ჩაქრობას ემსხვერპლნენ. თურქეთის პრეზიდენტმა დაღუპულების ახლობლებსა და ოჯახებს სამძიმარი გამოუცხადა.

თურქული მედია ქვეყნის პრეზიდენტზე დაყრდნობით წერს, რომ ქვეყნის მასშტაბით ტყის ხანძრების სალიკვიდაციო სამუშაოებში ჩართულია 27 სპეციალური თვითმფრინავი, 105 ვერტმფრენი, 6000 ერთეული სახმელეთო ტექნიკა და 25 000 მეხანძრე.

ივნისის ბოლოდან დღემდე, თურქეთში ტყის ხანძრებს 17 ადამიანი ემსხვერპლა.

ასევე იხილეთ: