შინაგან საქმეთა სამინისტროს ცნობით, სოფელ კასრისწყალში საჯარო სკოლისა და საბავშვო ბაღის დარბევის ბრალდებით ერთი პირი დააკავა. ის ადგილობრივია. მომხდარზე გამოძიება 187-ე მუხლით მიმდინარეობს, რაც სხვისი ნივთის დაზიანებას, ან განადგურებას გულისხმობს.

ბრალდებული სკოლიდან ამოღებული სათვალთვალო კამერების ჩანაწერებით გამოავლინეს.

კასრისწყალის საჯარო სკოლაში დარბეულია სკოლისა და ამავე შენობაში განთავსებული საბავშვო ბაღის ინვენტარი, მათ შორის საარქივო მასალები. განადგურებულია სამზარეულო და მოპარულია სკოლის კუთვნილი დაჭრილი შეშის ნაწილი.