ოპოზიციონერი პოლიტიკოსი საბა ბუაძე მთავრობის მიერ პლასტმასის ბოთლებში სასმელების წარმოების აკრძალვას ეხმაურება დაკითხვებს სვამს: ამ პირობებში — როგორ უნდა მოხდეს საქართველოში მრავალი ასეული მილიონის ღირებულების ინდუსტრიის სრული ტრანსფორმაცია და თან ამავდროულად ფასების შემცირება? როგორ უნდა შეამცირონ ფასები იმ მწარმოებლებმა, რომლებსაც ფასების დაწევასთან ერთად წარმოების სრული გადაიარაღება მოუწევთ? ბუაძის უშვებს, რომ ამ კონკრეტულ ცვლილებას შეიძლება სხვა ტიპის, ანუ პოლიტიკური დატვირთვა შეიძლება ჰქონდეს.

"ქვეყანაში სადაც არ არსებობს პლასტმასის და მყარი ნარჩენების გადამუშავების სისტემა, გამოგვიცხადეს, რომ აპირებენ ერთი წლის განმავლობაში აკრძალონ პლასტმასის ბოთლებში პროდუქტების წარმოება და იმპორტი.

ეს ყველაფერი ხდება იმ ფონზე, როდესაც მთავრობამ და ქართულმა ოცნებამ დაგვიანონსეს მაღალი ფასების წინააღმდეგ ბრძოლა. როგორ უნდა მოხდეს საქართველოში მრავალი ასეული მილიონის ღირებულების ინდუსტრიის სრული ტრანსფორმაცია და თან ამავდროულად ფასების შემცირება? როგორ უნდა შეამცირონ ფასები იმ მწარმოებლებმა, რომლებსაც ფასების დაწევასთან ერთად წარმოების სრული გადაიარაღება მოუწევთ?

რამ გამოიწვია საქართველოში მსგავსი ტიპის ძალიან მწვავე ცვლილების აუცილებლობა? მსოფლიოს რომელ ქვეყანაშია მსგავსი მკაცრი მიდგომა?

ხომ არ აქვს ამ კონკრეტულ ცვლილებას სხვა ტიპის, ანუ პოლიტიკური დატვირთვა? მე პირადად ეს კითხვები გამიჩნდა ამ ამბის გაგებისას", — წერს საბა ბუაძე.

მთავრობის დადგენილებით, აკრძალვა არ გავრცელდება 3 ლიტრი და მეტი მოცულობის სასმელ წყალზე, ასევე 20 ლიტრი და მეტი მოცულობის სასმელებზე, მათ შორის არალკოჰოლურ და ალკოჰოლურ სასმელებზე.