ბათუმში, მოქმედმა პოლიციელმა, ტარიელ რიჟვაძემ თაბუკაშვილის ქუჩაზე მდებარე "სპარი" გაქურდა.

აჭარა თაიმსის ინფორმაციით, რიჟვაძე აზარტულ თამაშებზეა დამოკიდებული და მაღაზიის გაქურდვა წაგებული ფულის დასაბრუნებლად გადაწყვიტა. თვითმხილველი აჭარა თაიმსს უყვება, რომ პოლიციელი მაღაზიაში შევიდა, მოლარე-კონსულტანტს თმებში წვდა და მუქარის გზით თანხა გამოსძალა.

შინაგან საქმეთა სამინისტროს ინფორმაციით საქმეს პროკურატურა იძიებს. ბათუმელების ინფორმაციით, პოლიციელმა მაღაზია 24 თებერვალს გაქურდა, ხოლო 26 თებერვალს ბათუმის საქალაქო სასამართლომ რიჟვაძე წინასწარ პატიმრობაში გაუშვა.