ფინეთის ქალაქ ოულუში ზამთრის ცურვის მსოფლიოს ჩემპიონატი გაიმართა, სადაც ქართველმა სპორტსმენმა ჰენრი კუპრაშვილმა ერთი ოქროსა და ორი ვერცხლის მედალი მოიპოვა. ინფორმაციას სპორტის სამინისტრო ავრცელებს.

შეჯიბრებაში მსოფლიოს 2 000-ზე მეტი სპორტსმენი მონაწილეობდა, ქართველი სპორტსმენი 80+ ასაკობრივ კატეგორიაში ასპარეზობდა.

ჰენრი კუპრაშვილმა მსოფლიოს ჩემპიონის ტიტული ბატერფლაის სტილით ცურვაში მოიპოვა, ხოლო თავისუფალი სტილით ასპარეზობისას ორჯერ დაიკავა მეორე საპრიზო ადგილი და ვერცხლის მედლებს დაეუფლა.

ჰენრი კუპრაშვილი მსოფლიო ჩემპიონია ბიატლსა და ტრიატლში ფა ექვსგზის მსოფლიო ჩემპიონია ზამთრის ცურვაში.