კლინიკა "ბომონდი" მშობიარობის შემდგომი გართულებებით გარდაცვლილი 20 წლის გოგოს შესახებ ინფორმაციას ავრცელებს.

მათი ცნობით, ახალგაზრდა ქალი 10 მარტს იქნა გადმოყვანილი მარტვილის კლინიკიდან "კატასტროფის ბრიგადის მიერ, მძიმე მდგომარეობაში, რის შემდეგაც პაციენტს მწვავე ქირურგიული პათოლოგია დაუდასტურდა. ოპერაციის მიმდინარეობისას გულ-სისხლძარღვთა მწვავე უკმარისობა განვითარდა და პაციენტის გადარჩენა ვერ მოხერხდა.

"პაციენტი ლ. ტ. მიმდინარე წლის 10 მარტს გადმოყვანილ იქნა "ბომონდში", როგორც მესამე დონის კლინიკაში, კატასტროფის ბრიგადის მიერ, მარტვილის კლინიკიდან მძიმე მდგომარეობაში.

პაციენტს 2 კვირის წინ სენაკში, ჩაუტარდა საკეისრო კვეთა.

"კლინიკა ბომონდში" პაციენტს ჩაუტარდა კვლევების სრული პაკეტი, კლინიკო-ლაბორატორიულად დაუდასტურდა, მწვავე ქირურგიული პათოლოგია.

ოპერაციის მიმდინარეობისას განვითარდა გულ-სისხლძარღვთა მწვავე უკმარისობა. სამწუხაროდ პაციენტის გადარჩენა ვერ მოხერხდა.

მომხდარზე მიმდინარეობს გამოძიება.

"კლინიკა ბომონდი" უსამძიმრებს, პაციენტის ოჯახს" — წერია გავრცელებულ ინფორმაციაში.