მთავრობის ადმინისტრაციის სტრატეგიული კომუნიკაციების დეპარტამენტი ეხმაურება გასულ შაბათს გამართული სატელევიზიო დებატების დროს, გადაცემის ერთ-ერთმა მონაწილის, ზურაბ მახარაძის მიერ გავრცელებულ ინფორმაციას ბაზალეთის ტბის მიმდებარედ უცხო ქვეყნის მოქალაქეების მიერ მიწის შესყიდვის შესახებ.

სტრატკომის მიერ გავრცელებულ განცხადებაში წერია, რომ "აღნიშნული არასასოფლო-სამეურნეო დანიშნულების მიწის ნაკვეთი 2006 წელს საქართველოს მთავრობამ საკუთრებაში გადასცა საზოგადოებრივ მაუწყებელს, რომელმაც, თავის მხრივ, მიწის ნაკვეთი 2007 წელს გაასხვისა შპს "სწავლების ცენტრზე", რომლის 100%-იანი წილის მფლობელი იყო მაშინდელი ეკონომიკის მინისტრის, კახა ბენდუქიძის მიერ დაფუძნებული კომპანია ააიპ "ცოდნის ფონდი". კერძო მესაკუთრემ მიწის ნაკვეთი 2019 წლის 18 დეკემბერს გაასხვისა შპს "იორკთაუერზე", რომელსაც ამჟამად შპს "იორკ ჰოლდინგ გრუპი" ეწოდება და რომლის 100%-იანი წილის მფლობელი ეგვიპტის მოქალაქეა".