ახლახან გავრცელებული ინფორმაციით ცნობილი გახდა, რომ ქალს, რომელმაც რიანას სახლს რამდენჯერმე ესროლა, ბრალი წარუდგინეს. 35 წლის ივანა ორტიზს ბრალი ედება მუსიკოსის განზრახ მკვლელობის მცდელობაში.

შეგახსენებთ, რომ გასულ კვირას რიანას ბევერლი ჰილში მდებარე სახლს რამდენჯერმე ესროლეს. ცეცხლსასროლი იარაღიდან გასროლის შემდეგ, ლოს-ანჯელესის პოლიცია მალევე გამოცხადდა მუსიკოსის სახლთან და ბრალდებული წინასწარი დაკავების იზოლატორში გადაიყვანა.

ფოტო: DUTCH/Bauer-Griffin/GCImages

როგორც ცნობილია, სროლის დროს მუსიკოსის სახლში იმყოფებოდნენ ადამიანები, თუმცა შემთხვევის შედეგად არავინ დაშავებულა. ბრალდებულის გირაო $1.875 მილიონ დოლარს შეადგენს, თუმცა შესაძლოა მას უვადო პატიმრობაც კი მიუსაჯონ.

CBS-ის ცნობით, ლოს-ანჯელესის პოლიციამ იპოვა დამნაშავის სოციალურ ქსელში გამოქვეყნებული პოსტები, რომლებშიც ის რიანაზე საუბრობს. ერთ-ერთ პოსტში ბრალდებული წერს, რომ მუსიკოსმა სიმღერები "ჯადოს გასაკეთებლად შექმნა", ხოლო თავად მას "მოკვლას უპირებს".

აღსანიშნავია, რომ 35 წლის ქალი მანამდეც იყო დაკავებული, კერძოდ, ძალადობის მუხლით. ორტიზი 2023 წელს ბილი აილიშის კონცერტზე უცნობ ადამიანებს თავს დაესხა.

რაც შეეხება რიანას, 37 წლის მუსიკოსს ამჟამად დედისა და ბიზნესმენიც ამპლუაში ვხედავთ. ის ფანების ნატვრად ქცეული ალბომის გამოშვებას ჯერჯერობით არ გეგმავს.