თბილისის საქალაქო სასამართლო დედისა და დეიდის ქამრით ცემისთვის, ასევე, მათ მიმართ მუქარისთვის პირს ერთწლიანი პატიმრობა შეუფარდა. ინფორმაციას პროკურატურა ავრცელებს.

უწყების ინფორმაციით, სასამართლომ მათი მტკიცებულებები გაიზიარა, რომლის მიხედვითაც 2018 წლის 4 ივნისს, თბილისში მომხდარი ურთიერთშელაპარაკების დროს აღნიშნულმა პირმა დედას თავსა და სხეულის სხვადასხვა ნაწილში ქამრის ბალთა დაარტყა. უწყების ცნობით, მათ გაშველებას ძალადობის მსხვერპლის და შეეცადა, რა დროსაც დაკავებულმა პირმა მას ხელში ქამარი რამდენჯერმე დაარტყა, შემდეგ კი დედას ქამარი ყელში მოუჭირა და მოკვლით დაემუქრა. მათივე განცხადებით, დედამ შვილისგან თავის დაღწევა მოახერხა და მეზობელთან გაიქცა, რა დროსაც შვილი დაედევნა და ისევ რამდენჯერმე დაარტყა ქამრის ბალთა.

როგორც პროკურატურა წერს, სასამართლოში დადგინდა ისიც, რომ 2017 წლის ნოემბერში, ურთიერთშელაპარაკების დროს მსჯავრდებულმა დედამისს თავში მუშტი რამდენჯერმე დაარტყა.

აღნიშნული პირი 2018 წლის 4 ივნისს თბილისში დააკავეს. მას ბრალდება სისხლის სამართლის კოდექსის 1261 მუხლის პირველი ნაწილით, ასევე, მეორე ნაწილის "გ" ქვეპუნქტით წარუდგინეს, რაც ოჯახის ერთი წევრის მიერ სხვა წევრების მიმართ ფიზიკური ტკივილის გამომწვევი ძალადობის ჩადენას გულისხმობს. ამასთან, დაკავებულს ბრალი 111-151-ე მუხლის პირველი ნაწილით წარუდგინეს, რას ოჯახის წევრის მიმართ სიცოცხლის მოსპობის მუქარას გულისხმობს.