ჩიქოვანის ქუჩაზე 50 წლამდე ასაკის კაცი საცხოვრებელ ბინაში გარდაცვლილი იპოვეს, სამი ახალგაზრდა კი საავადმყოფოში გადაიყვანეს. ამის შესახებ ინფორმაცია საზოგადოებრივმა მაუწყებელმა გაავრცელა.

ტელეკომპანიის ცნობით, გარდაცვალება სავარაუდოდ მოწამვლას უკავშირდება, თუმცა, კონკრეტულად, რა ნივთიერებით დაიღუპა კაცი, უცნობია.

On.ge-ს შინაგან საქმეთა სამინისტროში განუცხადეს, რომ მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. უწყების ცნობით, დანიშნულია ექსპერტიზა გარდაცვალების მიზეზის დასადგენად.