ასტროფიზიკოს სტივენ ჰოკინგის გარდაცვალების შემდეგ, მისი უკანასკნელი წიგნი Brief Answers to the Big Questions გამოვიდა.

წიგნში ჰოკინგი კაცობრიობის შესაძლო დასასრულზე და გენურ ინჟინერიაზე წერს და ღმერთის არსებობის საკითხსაც ეხმიანება:

"ღმერთი არ არსებობს. სამყაროს არავინ განაგებს. საუკუნეების განმავლობაში სჯეროდათ, რომ შეზღუდული შესაძლებლობის მქონე ადამიანები ღმერთის მიერ მინიჭებული წყევლის ქვეშ ცხოვრობდნენ. მე მირჩევნია ვიფიქრო, რომ ყველაფერი სხვანაირად, ბუნების წესებით იხსნება".

2007 წელს, როიტერსთან მიცემულ ინტერვიუში ჰოკინგი ათეიზმზე საუბრობდა და ამბობდა, რომ რელიგიური ადამიანი არ იყო:

"მჯერა, რომ სამყაროს მეცნიერული კანონები განაგებს. შესაძლოა, ეს კანონები ღმერთმა გამოსცა, მაგრამ ის მათ აღსრულებაში არ მონაწილეობს".

წიგნს ჰოკინგი იმედიანად ასრულებს და კითხვაზე, როგორ უნდა ვიზრუნოთ ჩვენს მომავალზე, გვპასუხობს:

"გახსოვდეთ, რომ ვარსკვლავებს უნდა უყუროთ და არა მიწას".

სტივენ ჰოკინგი 2018 წლის 14 მარტს, 76 წლის ასაკში გარდაიცვალა.