რა კითხვები გააჩინა მირზა სუბელიანისა და ვიქტორ ჯაფარიძის შეხვედრებმა
ქართული ოცნების დეპუტატის, ვიქტორ ჯაფარიძისა და პროკურატურის ყოფილი მაღალჩინოსნის, მირზა სუბელიანის ციხეში შეხვედრებისა და მათი სავარაუდო აუდიოჩანაწერების გასაჯაროების შემდეგ არაერთი კითხვა გაჩნდა. კითხვები შეეხებოდა როგორც შინაარსობრივ, ისე პროცედურულ საკითხებს.
დოკუმენტებით, რომელიც On.ge-მ პარლამენტიდან საჯარო ინფორმაციის სახით მიიღო, დასტურდება, რომ დეპუტატი ბრალდებულთან 5-ჯერ შევიდა. მათ შორის იმ დღეს, როცა ტელეკომპანია რუსთავი 2-მა ფარული ჩანაწერები დააანონსა, იმავე საღამოს, 14 ოქტომბერს, კვირას კი ეთერში გაუშვა.
შინაარსობრივი საკითხები
ტელეკომპანია რუსთავი 2-ის მიერ 14 ოქტომბერს გავრცელებულ აუდიოჩანაწერში მონაწილეობა დაადასტურა პარლამენტის უმრავლესობის დეპუტატმა, ვიქტორ ჯაფარიძემ. მან ამ საკითხზე არაერთ მედიას მისცა კომენტარი, შინაარსი ყველა შემთხვევაში თითქმის იდენტური იყო. ის იმეორებდა ფრაზას, რომ "არასერიოზული საუბარი იყო".
16 ოქტომბერს პროკურატურამ, იმავე პირების შესაძლო მონაწილეობით, ახალი აუდიოჩანაწერი გაავრცელა. აუდიოჩანაწერის მიხედვით, სავარაუდოდ, მირზა სუბელიანი ამბობს, რომ ხელისუფლების წინააღმდეგ ცრუ ინფორმაციას გაავრცელებდა. დღევანდელი აუდიოჩანაწერის შემდეგ გაჩნდა კითხვა, რატომ არ თქვა დეპუტატმა, რომ მირზა სუბელიანი ტყუილების გავრცელებაზე ესაუბრა. ჯაფარიძემ On.ge-ს უთხრა, რომ ის საუბრის "არასერიოზულად" შეფასებაში "ტყუილების თქმის" მოსმენას გულისხმობდა.
პროცედურული საკითხები
სუბელიანი-ჯაფარიძის შეხვედრების პროცედურულ საკითხებთან დაკავშირებით კითხვები პოლიტიკოსებს აქვთ. ამის შესახებ მათ გადაცემა არჩევანში ისაუბრეს.
არსებული კითხვები
1. რატომ არ ჰქონდა მირზა სუბელიანს ტელეფონით საუბრის უფლება შეზღუდული?
2. რატომ შეძლეს საქმის მთავარმა მოწმეებმა გამოძიების დაწყების შემდეგ ერთმანეთთან შეხვედრა?
3. როგორ შეძლო დეპუტატმა 14 ოქტომბერს, კვირა დღეს ციხეში შესვლის ნებართვის მიღება?
თავისუფალი დემოკრატების წევრი, ლევან სამუშია განათლებით იურისტია. მან გაიხსენა ჯაფარიძის მიერ მედიისთვის მიცემული კომენტარები, სადაც ის სუბელიანთან სატელეფონო კომუნიკაციაზე საუბრობდა და დაინტერესდა, რატომ ჰქონდა სასჯელშეუფარდებელ ადამიანს მსგავსი უფლება.
"ან ტყუის თქვენი თანამებრძოლი ამ შემთხვევაში, ვიქტორ ჯაფარიძე. ამოიღეთ სატელეფონო ჩანაწერი, ან რა უფლებით, ვინ დაარეკინა, რატომ არის განსაკუთრებულ ფუფუნებაში და რატომ რეკავს ტელეფონით", — მიმართა ლევან სამუშიამ საპარლამენტო უმრავლესობის წევს, ანრი ოხანაშვილს.
ციხეში ჯაფარიძის შესვლის შესახებ On.ge-ს გამოქვეყნებულმა მასალამ სამუშიას კითხვა გაუჩინა. ის დაინტერესდა პროკურატურაში დაწყებული გამოძიების გამო, რატომ მიეცათ მოწმეებს ერთმანეთის ნახვის უფლება.
"როდესაც გამოძიება არის დაწყებული და ერთ მთავარ მოწმეს აძლევენ საშუალებას, შეხვდეს ციხეში მეორე მთავარ მოწმეს, რასთან გვაქვს საქმე? ეს არის თუ არა პროცედურული დარღვევა? უნდა დადგეს თუ არა კონკრეტული თანამდებობის პირების პასუხისმგებლობის საკითხი?" — ჰკითხა სამუშიამ ოხანაშვილს.
გადაცემა არჩევანის სტუდიაში მყოფი პარლამენტის მოქმედი და ყოფილი დეპუტატები, ელენე ხოშტარია, გიორგი ვაშაძე და ანი მიროტაძე ამბობდნენ, რომ ციხეში შაბათ-კვირას პარლამენტის დეპუტატების შესვლა შეუძლებელია. ვიქტორ ჯაფარიძეს კი კვირას პარლამენტის თავმჯდომარემ, ირაკლი კობახიძემ ბრძანებაზე ხელი მოუწერა და ციხეში შესვლის უფლება მიანიჭა.
"მირზა სუბელიანის ჩანაწერები"
პროკურატურისა და რუსთავი 2-ის მიერ გავრცელებული "მირზა სუბელიანის აუდიოჩანაწერები", საგამოძიებო უწყების პოზიციით სხვადასხვა დროსაა ჩაწერილი. რუსთავი 2-მა 11 ოქტომბრის, ხოლო პროკურატურამ 6 ივლისის ჩანაწერი გაასაჯაროვა. ამის მიუხედავად, აუდიოჩანაწერებში თემების ნაწილი მეორდება და ერთმანეთს უპირისპირდება კიდეც.
რუსთავი 2-ის ჩანაწერით, სუბელიანს კომპრომატები აქვს ხელისუფლების მაღალჩინოსნების წინააღმდეგ, ხოლო პროკურატურის მიერ გავრცელებული აუდიოჩანაწერით, მირზა სუბელიანი აპირებს მოიტყუოს. აუდიოჩანაწერის ავთენტურობა ჯერჯერობით დადასტურებული არ არის.
პროკურატურაში ამბობენ, რომ ფარულ აუდიოჩანაწერებზე გამოძიება 12 ოქტომბერს დაიწყო, თუმცა საგამოძიებო მოქმედებების შესახებ 14 ოქტომბერს, რუსთავი 2-ის მიერ ჩანაწერის გავრცელების შემდეგ გაავრცელა ინფორმაცია. პროკურატურის ცნობით, სასჯელაღსრულებით დაწესებულებაში კანონდარღვევით სულ სამი ჩანაწერი განხორციელდა.
აუდიოჩანაწერების მოსმენის შემდეგ მმართველი პარტია დადგმულ სერიალზე საუბრობდა, ოპოზიცია კი სისტემურ დანაშაულზე. სასჯელაღსრულების სამსახურში დაადასტურეს, რომ 15 ოქტომბერს მირზა სუბელიანმა თვითმკვლელობა სცადა.
- გაიგე მეტი "მირზა სუბელიანის აუდიოჩანაწერებზე"
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვამოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი მოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
-
-
-
გადახედვაროდის გაჩნდნენ დედამიწაზე მანათობელი ცხოველები? — კვლევა როდის გაჩნდნენ დედამიწაზე მანათობელი ცხოველები? — კვლევა
-
გადახედვაბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ ბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ
-
გადახედვალაზარე გრიგორიადისი თავისუფალია ლაზარე გრიგორიადისი თავისუფალია
-
გადახედვაშეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია შეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია
-
-
-
-
გადახედვასალომე ზურაბიშვილმა ლაზარე გრიგორიადისი შეიწყალა სალომე ზურაბიშვილმა ლაზარე გრიგორიადისი შეიწყალა
-
გადახედვა"იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება "იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება
-
გადახედვანახეთ: მზეზე ერთდროულად 4 ამოფრქვევა მოხდა — უიშვიათესი მოვლენა ნახეთ: მზეზე ერთდროულად 4 ამოფრქვევა მოხდა — უიშვიათესი მოვლენა
-
გადახედვადააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს დააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს
-
კომენტარები